Киевда журналист Аркадий Бабченкони отиб кетишди

© Sputnik / Руслан Кривобок / Медиабанкка ўтишРоссийский журналист А.Бабченко депортирован из Турции
Российский журналист А.Бабченко депортирован из Турции - Sputnik Ўзбекистон
Oбуна бўлиш
Сешанба куни кечқурун Украина пойтахти Киев шаҳрида россиялик журналист Аркадий Бабченкони ўлдириб кетишди. Аркадий дўкондан қайтаётган маҳал, ўз квартираси остонасида отиб кетилган. Журналистнинг орқасидан бир неча маротаба ўқ узишган

ТОШКЕНТ, 30 май — Sputnik. Украина пойтахти Киев шаҳрида россиялик журналист Аркадий Бабченкони ўлдириб кетишди. Айни вақтда Киев полицияси қасддан содир этилган қотиллик иши бўйича суртиштирув ишларини олиб бормоқда.

Хабарларга кўра, сешанба куни кечқурун Аркадий дўкондан қайтаётган маҳал, ўз квартираси остонасида отиб кетилган. Журналистнинг орқасидан бир неча маротаба ўқ узишган.

Журналист Павел Шеремет - Sputnik Ўзбекистон
Киевда, таниқли журналист Павел Шеремет ҳалок бўлди
Украина Олий радаси депутати Антон Геращенкога кўра — ҳодиса сабабларидан бири россиялик махсус хизматларнинг ҳаракатлари бўлиши мумкин.

Украина ИИВ гумондорнинг фотосуратини эълон қилган. Бу 40-45 ёшлардаги, соқолига оқ тушган, тим кўк рангдаги бейсболка кийган эркак. Унинг бўйи 175-180 сантиметрни ташкил қилади, гавда тузилиши ўртача, қорни бор, деб аниқлик киритилган хабарда. Эркак жинси куртка ва жинси шимда бўлган.

Полиция вакилининг сўзларига кўра, Бабченкога қарата ўқ узган шахснинг яна бир нечта шериклари бўлган. Бабченконинг қўшниси, қотил глушительдан фойдаланган бўлиши мумкин, деган фикрни билдирган. Аёлнинг айтишича, у отилган ўқ овозларини эшитмаган.

Россия Тергов қўмитаси россиялик фуқаронинг ўлдирилиши юзасидан жиноий иш қўзғатган. Россия ТИВ Украина ҳукуматидан Бабченконинг ўлдирилиши бўйича тезкор суриштирув олиб борилиши учун бор чораларни кўришни талаб қилмоқда. Россия ТИВ, шунингдек, Украинада ОАВ ходимларига нисбатан жисмоний зўравонлик ва қотилликлар даражаси тобора ошиб бораётганини таъкидлаб ўтган.

Янгиликлар лентаси
0