05:00 27 Сентябр 2020
Эфир
  • RUB136.28
  • EUR12210.60
  • USD10315.62
Дунёда
Ҳавола олиш
196010

АҚШ ва НАТО Туркия Россиядан “С-400” сотиб олаётганидан нега бунчалик ваҳимага тушгани маълум бўлди.

ТОШКЕНТ, 2 дек — Sputnik. Туркия ё Россияни ё Ғарб мамлакатларини танлаши керак, деди АҚШ сенатининг қуролли кучлар қўмитаси раҳбари Жеймс Инхоф (Жон Маккейн ўрнига келган сенатор).  Бу ҳақида Блумберг хабарига асосан РИА Новости хабар қилмоқда.

“Агар Туркия F-35 дастури ичида қолишни истаса, у Россиядан С-400 тизимларини олишдан воз кечиши керак”, - деди Инхоф Пентагоннинг Конгресс учун тайёрланган ҳисоботига изоҳ бераркан.

Инхоф айтишига қараганда, Туркия АҚШнинг НАТО бўйича жуда муҳим ҳамкоридир. Шу сабаб у ўз мақомига мувофиқ ҳаракат қилиши керак. “Туркия ё Россияни ё Ғарбни танлаши керак. Агар Туркия С-400 сотиб олишда давом этса - уни салбий оқибатлар кутмоқда” – деди сенатор.

Блумберг шунингдек, АҚШ ва НАТО Туркиянинг С-400 сотиб олишидан нега бунчалки ташвишга тушганини ҳам айтиб ўтган. Ҳарбий эксперт Стивен Залогининг фикрига кўра, Туркияга С-400 билан бирга россиялик ҳарбий мутахассислар ҳам келишади ва улар С-400ни американинг F-35 самолётига қарши синаб кўриш имконига эга бўлиши мумкин.

“Россиялик ҳарбий мутахассислар С-400 радарларини Туркиянинг F-35 самолётларига қарши синаб кўриши мумкин. Бу америка қирувчи самолётининг антирадар хусусиятларини йўққа чиқариши мумкин”, - дейди эксперт.

Эслатиб ўтамиз, Туркия ва Россия 2017 йилнинг декабр ойида умумий қиймати 2,5 миллиард доллар бўлган тўртта ЗРК С-400  дивизиони етказиб бериш борасида битим имзолаган эди. Шартномага кўра, мажмуанинг биринчи партияси 2019 йилнинг октябрь ойида етказиб берилиши керак.

Асосий мавзулар