Манба Сербияда Путинга суиқасд уюштириш режалаштирилганини рад этди

© AP Photo / Boris GrdanoskiРабота сербской полиции
Работа сербской полиции - Sputnik Ўзбекистон
Oбуна бўлиш
Сербияда суиқасд қилмоқчи бўлганликда гумон қилинган 21 ёшли Армин Алибашич қўлга олингани ҳақида хабарлар пайдо бўлганди.

ТОШКЕНТ, 17 янв – Sputnik. Сербияда жангари Армин Алибашичнинг қўлга олиниши Путиннинг бўлажак ташрифига ҳеч қандай алоқаси йўқ. Бу ҳақда РИА Новости Sputnik Сербия хабарига асосан маълум қилди.

Аввалроқ ОАВларида Сербиянинг Нови-Пазар шаҳри яқинидаги Поток қишлоғида суиқасд қилмоқчи бўлганликда гумон қилинган 21 ёшли Армин Алибашич қўлга олингани ҳақида хабарлар пайдо бўлганди. Жиноятчининг рюкзагида оптик нишонга олгичли пневматик қурол ва бир нечта пичоқ топилган.

Президент РФ Владимир Путин во время ежегодной большой пресс-конференции в Центре международной торговли на Красной Пресне - Sputnik Ўзбекистон
Песков - Путин сўкиниши мумкинми деган саволга жавоб берди

Шундан сўнг террорчининг Букреш қишлоғидаги уйида тинтув ўтказилган. Тинтув вақтида катта миқдорда қурол-аслаҳа ва бомба тайёрлаш учун қурилма, жумладан кимёвий моддалар ва детонатор учун компонентлар аниқланган. Шунингдек, гумонланувчининг уйида ИШИД байроғи ҳамда ушбу террорчилик гуруҳининг ташвиқот материаллари ва адабиёти топилган.

Сербия нашрлари қўлга олинган жангари Россия раҳбарига суиқасд уюштиришни режалаштиргани ҳақида маълумот тарқатишади. Аммо ҳуқуқни муҳофаза қилувчи орган томонидан ушбу версия расмий тасдиғини топмади.

Эслатиб ўтамиз, Владимир Путиннинг Сербияга ташрифи 2019 йил 17 январда режалаштирилган.

Янгиликлар лентаси
0