16:10 26 Май 2019
Эфир
  • RUB131.06
  • EUR9439.00
  • USD8460.92
Мусульманка, архивное фото

Шри-Ланкада юзни ёпиб турувчи кийим кийиш тақиқланди

© AFP 2018 / MUSTAFA OZER
Дунёда
Ҳавола олиш
183 0 0

Қарор президент томонидан хавфсизликни таъминлаш ва мамлакатдаги вазиятни барқарорлаштириш мақсадида қабул қилинган.

ТОШКЕНТ, 29 апр – Sputnik. Шри-Ланкада юзни ёпиб турувчи кийим кийиш тақиқланди. Бу ҳақда News 1st хабар қилмоқда.

Хабарда қайд этилишича, Шри-Ланка президенти Майтрипала Сирисена якшанба куни, 28 апрелда тегишли фармонни имзолаган. Фармонга кўра, юзни ёпиб турувчи кийимларни кийиш тақиқланади.

Портал маълумотларига қараганда, ушбу фармон 29 апрель куни қонуний кучга киради. Қарор давлат раҳбари томонидан хавфсизликни таъминлаш ва мамлакатдаги вазиятни барқарорлаштириш мақсадида қабул қилинган. Эндиликда фуқароларга шахсини аниқлашга тўсқинлик қилувчи кийим-кечакдан фойдаланиш тақиқланади.

Эслатиб ўтамиз аввалроқ Шри-Ланканинг шарқий қисмида уй портлагани ва воқеа жойида 15 нафар инсон, шулардан 6 та боланинг жасади топилгани ҳақида хабар қилган эдик.

Ҳужум остида қолган Шри-Ланка

Жорий йилнинг 21 апрель куни Шри-Ланкада католиклар Пасха байрам маросимида 8 та портлаш содир бўлди. Биринчи олтита – Коломбо, Негомбо, Баттикалоа шаҳарлардаги черков ва меҳмонхоналарда, еттинчи оролнинг ғарбида ҳамда саккизинчи портлаш Коломбонинг аҳоли турар мажмуада содир бўлди.

Маҳаллий ОАВларга қараганда, терактларни ҳудкуш-террорчилар томонидан содир этди. Сўнгги маълумотларга кўра, 359 киши ҳалок бўлди, 500 киши жароҳатланди.

Душанба куни Коломбода юк машинасида яна бир бомба аниқланди.

Сапёрлар теракт содир этилган черков ёнида топилган бомбани зарарсизлантириш вақтида юк машинаси портлаб кетган.

“Ислом давлати” халқаро террорчилик уюшмаси Шри-Ланкадаги портлашлар учун жавобгарликни ўз зиммасига олди.

*Россияда тақиқланган террорчилик ташкилот

Асосий мавзулар