07:29 24 Август 2019
Эфир
  • RUB138.47
  • EUR10092.14
  • USD9061.00
Бой между Хабибом Нурмагомедовым и Конором МакГрегором

Ҳабиб Нурмагомедовнинг кейинги жанги қачон бўлиши маълум бўлди

© REUTERS / Stephen R. Sylvanie
Дунёда
Ҳавола олиш
116720

Нурмагомедов Зубайра Тухугов ва Абубакар ринга қайтадиган бўлса, сентябрь ойида жанг ўтказишини маълум қилди.

ТОШКЕНТ, 6 май – Sputnik. UFC чемпиони Ҳабиб Нурмагомедовнинг агенти Али Абдель-Азиз жангчининг шу йилги режалари ҳақида сўзлаб берди, деб хабар қилди ESPN

“У менга алоҳида топшириқ берди. У менга 7 сентябрда жанг ўтказишни хоҳлашини айтди, кейин декабрда. Агар Джорд Сент-Пьер UFC билан ўз ишини ҳал қилса - яна бир жанг ўтказамиз”, - деб таъкидлади Абдель-Азиз.   

Бундан аввал Нурмагомедов агар Зубайра Тухугов ва Абубакар ринга қайтадиган бўлса сентябрь ойида жанг ўтказишини айтганди. Чунки улар Ҳабиб деб четлаштирилганди.

Эслатиб ўтамиз, жорий йил 29 январь куни АҚШнинг Невада штатида Атлетика комиссиясининг UFC 229 жанг оқшомида юз берган жанжал юзасидан суд эшитуви бўлиб ўтди.

Комиссия қарорига кўра, жанг оқшомида жанжал уюштирган Ҳабиб Нурмагомедов 9 ойга жанглардан четлатилиб, унга 500 минг доллар миқдорида жарима тўлаш мажбурияти юклатилган эди.

Шунингдек, Ҳабибнинг амакиваччаси Абубакар Нурмагомедов ва унинг дўсти Зубайра Тухугов ҳам 1 йилга четлатилиб, уларга 25 минг доллардан жарима тўлашлари белгиланган эди.

Асосий мавзулар