ТОШКЕНТ, 22 май – Sputnik. Америка президенти Дональд Трампни Пенсильвания штатидаги митингга ғишт девори костюмини кийган иштирокчи ҳайратда қолдирди. Бу ҳақда Fox News хабар қилди.
Қайд этилишича, нутқ сўзлаётган Трамп ўзгача костюм кийган эркакни кўриб қолиб, ундан саҳнага чиқишини сўрайди. Митинг иштирокчиларининг гулдурос қарсаклари остида унинг қўлини сиқади.
“Бу йигитга қаранг-а! Энди биз у кимга овоз беришини биламиз”, - дея ҳазил қилди Трамп.
Видеода ғишт девори сурати бўлган бўйинбоғ ва костюм кийган эркакни кўриш мумкин. Шунингдек, унинг қўлида “Мени қургин”, деган ёзуви бор тахтача ҳам бор.
Посмотреть эту публикацию в Instagram
Қайд этиш жоизки, Мексика билан чегарада девор қуриш Трампнинг асосий сайловолди ваъдаларидан биридир.