ТОШКЕНТ, 19 июн – Sputnik. Давлат тергов бюроси Украинанинг собиқ президенти Пётр Порошенкога қарши бешинчи жиноий ишни қўзғатди.
Бу ҳақда собиқ президент Виктор Янукович администрацияси собиқ раҳбари ўринбосари Андрей Портнов маълум қилди.
Порошенко 2016 йилда депутатлар фракция коалициясини шакллантириш учун ҳужжатларни қалбакилаштириш ва ҳукуматни ноқонуний тайинлаш бўйича айблов илгари сурилди.
Портновнинг сўзларига кўра, 2015 йил сентябрда “Европалик Украина” коалициясидан “Радикал партия” фракцияси Олег Ляшко, 2016 йил февралда “Баткившина” ва “Самопомошь” партиялари чиқиб кетди. Бунинг оқибатида коалиция деярли иш фаолиятини тўхтатди – керак бўлган 226 депутатдан, 217 та депутат қолди.
Коалиция бўлмаганлигига қарамасдан Порошенко парламентга бош вазир ва ҳукумат аъзоларини лавозимга тайинлашни таклиф қилди. Бу ҳаракатлар коалиция борлиги ҳақида ёлғон бўлган расмий ҳужжатларни тайёрлаш билан бирга амалга оширилди.
Бундан аввал Порошенкога қарши бир нечта жиноий иш қўзғатилгани ҳақида хабар берилганди. Суд ҳокимиятини ноқонуний олиб қўйиш (узурпация), “Кузня на Рыбальском” заводини сотишда 300 миллион долларни қонунийлаштириш, “Центрэнерго” ОАЖда лавозимларни тақсимлашдаги ҳаракатлар ҳамда давлатга хиёнат айблови билан жиноий ишлар қўзғатилганди.
Украини собиқ президенти Порошенко бундан қўрқмаслигини айтганди.
