ТОШКЕНТ, 20 авг – Sputnik. Исроил бош вазири Бенямин Нетаньяҳу Киев аэропортида содир бўлган ҳодисага изоҳ берди ва рафиқаси Саранинг хатти-ҳаракатида Украинага бўлган ҳурматсизликни изламасликка чақирди.
Facebook᾽даги саҳифасида эълон қилинган видео мурожаатида рафиқаси ташриф олдидан айнан Украина байроғи рангларидаги либосларни танлаганини маълум қилган ва бу Украинага бўлган ҳурматини билдиради.
Исроил бош вазирининг таъкидлашича, агар “нон билан бўлган ҳодиса” бўлмаганида, унинг Украинага ташрифи ОАВлардан бу қадар кенг ёритилмаган бўларди.
“Биз диққатни жалб қилишнинг усулини кашф қилганга ўхшаймиз. Давом эттирамиз”, - деган Бенямин Нетаньяҳу.
Эслатиб ўтамиз, аввалроқ Киевда Бенямин Нетаньяҳу рафиқаси билан самолётдан тушган вақтда украин қизлари миллий либосда, нон ва туз билан уларни қарши олишгани, бош вазир рафиқаси унга узатилган нонни татиб кўришдан бош тортиб, ерга ташлаб юборгани хабар қилинган эди.