ТОШКЕНТ, 25 ноя — Sputnik. Америкалик миллиардер, Нью-Йорк шаҳрининг собиқ мэри Майкл Блумберг АҚШ президентлигига номзодини қўйишини ва амалдаги давлат раҳбари Дональд Трамп устидан ғалаба қозонишини маълум қилди.
“Мен Дональд Трампни енгиш ва Американи қайта тиклаш учун президентликка номзодимни қўйяпман. Мен бизнес, ҳукумат ва хайр-саховат ишларидаги ноёб тажрибам устун келишга ва етакчилик қилишга имкон беришига ишонаман”, - дея ёзган у Twitter᾽да.
I’m running for president to defeat Donald Trump and rebuild America.
— Mike Bloomberg (@MikeBloomberg) 24 ноября 2019 г.
I believe my unique set of experiences in business, government, and philanthropy will enable me to win and lead.
Join our team: https://t.co/7ezlUeouqH pic.twitter.com/IyOeS3aWaF
Аввалроқ 77 ёшли миллиардер Блумберг АҚШ Демократлар партиясидан дастлабки сайловларда иштирок этиш учун ҳужжат топширган эди, аммо бу борада расмий баёнот бермаган эди.
Эндиликда у АҚШ президенти сайловларида иштирок этишини ва сайловларга тайёргарликни фаол равишда бошлаб юборгани расман эълон қилди.
АҚШда навбатдаги президент сайловлари 2020 йилнинг 3 ноябрида бўлиб ўтиши режалаштирилган.
