03:19 06 Август 2020
Эфир
  • RUB137.46
  • EUR12021.09
  • USD10209.86
Дунёда
Ҳавола олиш
1090 0 0

Бугун Қирғизистон миллий хавфсизлик қўмитасида собиқ президент Алмазбек Атамбаев асосий фигурант бўлган жиноий иш юзасидан сайёр суд ўтказилди.

ТОШКЕНТ, 24 дек — Sputnik. Қирғизистоннинг собиқ президенти Алмазбек Атамбаев  Қирғизистон Республикаси миллий хавфсизлик қўмитаси (ГКНБ) биносида бўлиб ўтган сайёр судни тарк этди. Бу ҳақда унинг адвокати Сергей Слесаров маълум қилди.

Унинг сўзларига қараганда, Атамбаевни ҳимоя қилувчилар судни бошқа жойга кўчириш ҳамда суд мажлисини давлат раҳбарининг иштирокисиз ўтказишни сўраб илтимоснома киритишган. Чунки Атамбаев судда иштирок этишни хоҳламайди ва саволларга жавоб беришдан бош тортмоқда.

“Биз бўлган шароитлар на санитар, на инсоний, на юридик меъёрларга мувофиқ келарди. 12-15 квадрат метр бўлган хона ва унда бўлган 18 кишини тасаввур қилинг. Судья эса бир бурчакда. Аммо суд мажлис жойини кўчиришни ҳам, мажлисни Атамбаевсиз ўтказишни ҳам рад этди. Шундан сўнг Алмазбек Шаршенович ўрнидан туриб кетди”, - дея адвокат сўзларидан келтиради Sputnik Қирғизистон.

Бунга қадар қонундаги ўғри Азиз Батукаевнинг ноқонуний озод этилиши иши бўйича суд мажлиси Алмазбек Атамбаевнинг бетоблиги боис бўлиб ўтказилмаган эди. Ўшанда суд прокурорнинг илтимосномасига биноан сайёр суд мажлисини ўтказишга қарор қилган эди.

Мавзу бўйича

Атамбаев яна бир жиноятда гумон қилинмоқда - адвокат
Конституциявий палата Атамбаев шикояти бўйича қарор қабул қилди
Атамбаев ўзи фигурант бўлган жиноят иши мажлисига келишдан бош тортди
Теглар:
суд, Алмазбек Атамбаев, Қирғизистон

Асосий мавзулар