ТОШКЕНТ, 30 янв – Sputnik. Суғд вилоятида 2019 йилда Ўзбекистондан олиб келинган 20 минг килограммдан ортиқ тухум мусодара қилиниб, йўқ қилинди, деб хабар қилди Sputnik Тожикистон Тожикистон озиқ-овқат хавфсизлиги вазирлиги матбуот хизматига асосан.
Вазирлик тақдим этган маълумотга кўра, ўтган йилда Канибодом назоратдан ўтиш пунктида чегарачилар томонидан "Safar 2012" компаниясига тегишли бўлган 20,3 минг кило ёки 342 минг дона тухум тўхтатилди.
Вазирлик томонидан мусодара қилинган маҳсулотлар сифатсиз эканлиги таъкидланди.
"Суғд озиқ-овқат хавфсизлиги марказининг хулосасига кўра, мамлакатга келтирилган тухумлар истеъмолчилар саломатлиги учун хавф туғдирган", - дейилган хабарда.
Бундан ташқари, Душанбе ва Сўғ вилоятининг Бобожон-Ғофуров туманида керакли ҳужжатларсиз бўлган 12,8 тонна товуқ гўшти мусодара қилинди. Таъкидланишича, сифатсиз товуқ гўшт Озиқ-овқат хавфсизлиги тадқиқотлари миллий маркази томонидан йўқ қилинди.
Sputnik Ўзбекистон мухбири ушбу ҳолатга аниқлик киритиш мақсадида Ветеринария қўмитасининг масъул ходими билан боғланганди. Қўмитада "Safar 2012" компанияси Тожикистон компанияси эканлиги ва 2019 йил давомида Ўзбекистондан бу компания номига тухум экспорт қилинмаганлиги маълум килинди.
