ТОШКЕНТ, 5 фев — Sputnik. Қирғизистон Республикаси миллий хавфсизлик давлат қўмитаси идора қирғизистонликлар телефонларини эшитиб, уларнинг ижтимоий тармоқлардаги ёзишмаларини ўқишни бошлагани ҳақидаги маълумотларни рад этди.
Ижтимоий тармоқларда 3 февралдан коммуникациянинг янги қоидалари киритилгани ҳақида хабарлар тарқалмоқда. Қирғизистон миллий хавфсизлик давлат қўмитаси номидан тарқатилаётган ушбу хабарда барча телефон сўзлашувлари ёзиб олинаётгани, ижтимоий тармоқларда эса мониторинг амалга оширилаётгани айтилган.
Хабар муаллифлари барча қурилмалар ҳукуматнинг эшитиш тизими - CDMXга уланганини маълум қилишган, деб хабар қилади Sputnik Қирғизистон.
Қирғизистон миллий хавфсизлик давлат қўмитаси ушбу хабарни ёлғонлигини айтмоқда. Ушбу хабарларни тарқатган шахслар қидирилмоқда.
Идора ёлғонлиги олдиндан маълум бўлган хабарни тарқатганлик учун жиноий жавобгарлик белгиланганлигини эслатиб ўтмоқда.