01:11 23 Феврал 2020
Эфир
  • RUB150.07
  • EUR10319.35
  • USD9528.49
Дунёда
Ҳавола олиш
166911

Кордай туманида юз берган оммавий тартибсизликлардан сўнг 24 мингдан ортиқ аҳоли чегара назорат ўтиш жойлари орқали Қирғизистон ҳудудига ўтди.

ТОШКЕНТ, 10 фев – Sputnik. Кордай туманида юз берган оммавий тартибсизликлардан сўнг 24 мингдан ортиқ аҳоли чегара назорат ўтиш жойлари орқали Қирғизистон ҳудудига ўтди. Бу ҳақда Sputnik Қозоғистон хабар қилди.

“Бугун Аухатти, Қорасу ўтиш пунктларида бўлдик. Чегарадан ўтиш бўйича ҳеч қандай чекловлар йўқ. Ҳозирги вақтда Қирғизистон томон 24 минг киши ўтди. Кечадан бери оқсоқоллар, аёллар ва ёшлар қайтмоқда”, - деди Қозоғистон бош вазир ўринбосари Сапарбаев.

Таъкидланишича, Қирғизистонга ўтган 4 мингдан ортиқ қозоғистонликлар уйларига қайтишди.

Эслатиб ўтамиз, 7 февраль куни Жамбил вилояти Кордай тумани Масанча қишлоғида оммавий муштлашув бошланган. Тартибсизликлар оқибатида 10 киши ҳалок бўлди, 40 киши жароҳат олди. Полиция 50 кишини қўлга олди.

Ўт қўйиш оқибатида 30 та уй, 15 та дўкон ва 23 дона автомашига зарар етказилди. Воқеа жойида ҳукумат комиссияси текширув ишларини олиб бормоқда.

Асосий мавзулар