ТОШКЕНТ, 2 мар - Sputnik. Россиянинг Санкт-Петербург вакциналар ва зардоблар илмий-тадқиқот институти жорий йилнинг учинчи чорагида коронавирус инфекциясига қарши вакцина яратмоқчи, дея хабар беради РИА Новости.
Тўртинчи чоракда уни ҳайвонларда синаб кўриш режалаштирилмоқда, дея қўшимча қилди институт мутахассиси.
Аввалроқ Санкт-Петербургдаги Россиянинг ФМБА вакциналар ва зардоблар илмий-тадқиқот институти янги коронавирусга қарши вакцина устида иш олиб бораётгани ҳақида хабар берилган эди.
“Прототип 2020 йилнинг учинчи чорагида кутилмоқда, тўртинчи чоракда ҳайвонларда клиниколди тадқиқотларини бошлаш режалаштирилмоқда”, - деди институт мутахассисларидан бири ахборот агентлигига.
Унинг қўшимча қилишича, коронавирус деярли мутацияга учрамаётганлиги сабабли Санкт-Петербург илмий-тадқиқот институти томонидан яратилган вакцина рўйхатга олинган вақтга қадар ўз таъсирини йўқотмаган бўлади.