ТОШКЕНТ, 24 мар - Sputnik. Америка президенти Дональд Трамп АҚШ маъмуриятининг коронавирусга қарши кураш бўйича координатори Дебора Биркснинг бетоблигини эшитиши ҳамон, ўзини зудлик билан четга олди.
"Шанба куни истимам бироз кўтарилганди", - деди аёл сешанба куни коронавирус билан боғлиқ вазият юзасидан уюштирилган ва Трамп иштирок этаётган матбуот-анжуманида.
Буни эшитган Трамп "Оҳ!" - деганча, дарҳол аёлдан бир неча қадам узоқлашди.
"Балки бу ошқозон-ичак билан боғлиқ нимадир. Мен масъулиятлиман. Шифокорман. Мен ҳаммасини текширдим... Шанба куни тест топширдим ва каминада коронавирус борлиги таслиқланмади", - давом этди Биркс.
Аёлга яқинроқ келган Трамп гўё анча енгил тортгандек яна чуқур "уҳ" тортди. Аммо бу сафар унинг юзида табассум акс этарди.
"Айтганингиз учун раҳмат", - қўшимча қилди АҚШ президенти.
"Мана, биз қандай қилиб бир-биримиз ҳақимизда қайғурмоғимиз лозим", - дея ўз нутқини якунлади Биркс, коронавирус билан боғлиқ вазиятда ҳар бир шахснинг масъулияти ҳақида гапирар экан.
