ТОШКЕНТ, 5 май - Sputnik. Венесуэла президенти Николас Мадуро қуролли денгиз ҳужумида ҳибсга олинганлар орасида икки нафар АҚШ фуқаролари борлигини хабар қилди. У уларни АҚШ президентининг шахсий қўриқчи ходимлари деб атаган
“Ҳисбга олинганлардан бири биринчи кўрсатмаларида босқинчилар гуруҳида АҚШнинг икки фуқароси, АҚШ президенти Дональд Трампнинг шахсий хавфсизлик хизмати ходими борлигини маълум қилди”, - деди Мадуро ўзининг Twitter саҳифаси орқали эфирга узатилган чиқишида.
Ушбу баёнотдан кейин маҳбусларни ташувчи машинадан намойиш этилган видеода қўлга олинганлардан бири америкаликлар унга “Трампнинг хавфсизлик бўйича маслаҳатчиларига ишлашини маълум қилганини” айтади.
Мадуронинг сўзларига кўра, ҳозирда ҳибсга олинганларнинг барчаси, шу жумладан АҚШнинг икки фуқароси мамлакат шимолидаги Ла-Гуайрадаги ҳарбий-денгиз базасига жойлаштирилган. Ўша ердан денгиздан бостириб киришга уриниш амалга оширилган эди.
Ушланганларнинг ҳужжатлари ва фотосуратлари, радиоалоқа ускуналари, тунги кўриш мосламалари, қурол ва камуфляж телевидение орқали намойиш этилди.
Мадуро, шунингдек, яқинда содир бўлган ҳужум ва АҚШ давлат котиби Майк Помпеонинг Венесуэладаги АҚШ элчихонасини қайта тиклаш ҳақидаги сўзлари билан боғлиқ бўлиши мумкинлиги ҳақида фикр билдирди.
“Бир неча кун олдин Майк Помпео <...> баёнот бериб, шундай деди: “Мен АҚШнинг Каракасдаги элчихонасини очишга тайёргарликни тезлаштириш бўйича кўрсатма бердим ва яқин орада биз у ерда бўламиз ҳам”. <...> У бу гапни айтганда, мен нима нима ҳақида гап кетаётганини тушунганман, у бу ҳужумга умид қилган ва бу ҳужум билан у инқилобимизни, бизнинг конституциявий тузумимизни ва мени йўқ қилишига ишонган. <...> Аммо бизни Худо ҳимоя қилади", - деди Мадуро.
Бостириб киришга уриниш
Якшанба куни Венесуэла ички ишлар вазири Нестор Ревероль Колумбия жангариларининг мамлакат шимолидаги Ла-Гуайра штатига денгиз ҳужумининг олди олинганини айтди. Мадуронинг таъкидлашича, бу босқиннинг мақсади уни йўқ қилиш бўлган. Ички ишлар вазирлигига кўра, жангарилар мамлакатга тезюрар кемаларда бостириб киришга уринган. Миллий конституциявий ассамблея раиси Диосдадо Кабельо саккиз ҳужумчи ўлдирилганини ва иккитаси ҳибсга олинганини айтди. Унинг қайд этишича, ҳибсга олинганлардан бири АҚШнинг Гиёҳванд моддаларига қарши кураш бошқармаси агенти. Кейинчалик яна саккиз нафар ҳибсга олинганлар ҳақида маълум бўлди.
АҚШ Давлат департаментида РИА Новостига Венесуэла расмийларининг баёнотлари дезинформация эканлигини айтишди. Колумбия ташқи ишлар вазирлиги, шунингдек, денгиз ҳужумига алоқадорлик ҳақидаги айбловларни рад этди. АҚШнинг Гиёҳванд моддаларига қарши кураш бошқармаси (DEA) ушбу воқеаларда ҳеч қандай иштирок этмагани ҳақида баёнот берди ва уларнинг ходими ҳибсга олинганлиги ҳақидаги баёнотларни рад этди.
АҚШ 2019 йил январ ойидан бери Мадурони мамлакат президенти сифатида тан олмаяпти ва ўзини ноқонуний давлат раҳбари деб эълон қилган Венесуэла мухолифати раҳбари Хуан Гуаидони вақтинча давлат раҳбари деб ҳисоблайди. Март ойи охирида АҚШ Адлия вазирлиги Мадурони ва мамлакат раҳбариятининг яна 15 аъзосини гиёҳванд моддалар савдосида ва пул ювишда иштирок этганликда айблади. 1 апрель куни АҚШ ҳарбий кучлари, шунингдек, Соҳил қўриқлаш ҳизмати ва АҚШнинг Гиёҳванд моддаларига қарши кураш бошқармаси Кариб денгизида гиёҳвандликка қарши кенг кўламли операцияни бошладилар, Вашингтонда унинг мақсадларидан бири “Мадуро режими” томонидан гиёҳванд моддалар савдосига қарши кураш деб номланган.
