ТОШКЕНТ, 13 май — Sputnik. Африка жанубидаги Лесотода коронавирус билан боғлиқ биринчи ҳолат аниқланди. Бу ҳақда РИА Новости мамлакат Соғлиқни сақлаш вазирлиги маълуотига асосланган ҳолда хабар қилмоқда.
Маълум қилинишича, 9 май куни Жанубий Африка Республикаси ва Саудия Арабистонидан мамлакатга келган 81 киши коронавирусга тест топширган. 12 май куни олинган тест натижаларига кўра улардан бирининг тести мусбат чиққан.
Бемор Яқин Шарқдан эканлиги ва унда касалликнинг ҳеч қандай аломати йўқлиги айтилмоқда.
Сўнгги маълумотларга кўра, Африка мамлакатларида коронавирус юқтириб олганлар сони 69 126 нафарга етган. Шундан 2 386 нафари вафот этган.
