ТОШКЕНТ, 24 май — Sputnik. Афғонистон президенти Ашраф Ғани “Толибон”* ҳаракатининг Рамазон ҳайити нишонланиши муносабати билан 3 кун ўт очишни тўхтатиш тўғрисидаги қарорини олқишлади. Тегишли баёнот давлат раҳбарининг Twitter саҳифасига жойланган.
“Мен “Толибон”нинг ўт очишни тўхтатиш ҳақидаги қарорини олқишлайман. <...> Бош қўмондон сифатида, мен Афғонистон Қуролли кучларига уч кунлик ярашувга риоя қилишни ва ҳужум қилинган тақдирдагина ҳимояланишни буюрдим”, - дея ёзган Ғани.
Шунингдек, у батафсил маълумот якшанба куни сўзлайдиган нутқида эълон қилинишини қўшимча қилган.
Аввалроқ Tolo News телеканали толибларнинг баёнотига таянган ҳолда улар Рамазон ҳайити нишонланиши муносабати билан 3 кунга ўт очишни тўхтатишни эълон қилишгани ҳақида хабар қилган эди.
* Россия ва қатор мамлакатларда тақиқланган террорчилик ташкилоти
