11:40 12 Август 2020
Эфир
  • RUB138.65
  • EUR12059.09
  • USD10231.71
Дунёда
Ҳавола олиш
116 0 0

"Арктика-М" иккита космик кемаси орбитага чиқарилгандан сўнг доимий равишда атмосфера ва Ернинг қутбларидаги ҳолати тўғрисида тезкор маълумотларни узлуксиз олиш имкони пайдо бўлади.

ТОШКЕНТ, 2 июн - Sputnik. Лавочкин номидаги Илмий ишлаб чиқариш бирлашмаси 2021 йилда шартномани имзолаб,  Арктика минтақасини масофадан туриб текшириш учун учта "Арктика-М" космик кемани ишлаб чиқаришни режалаштирмоқчи. Бу ҳақда РИА Новостига Лавочкин номидаги ИИЧБ бош директори Владимир Колмиков маълум қилди.

Аввалроқ Колмиков биринчи "Арктика-М" метеорологик космик кемасини йил охирида учириш режалаштирилганлиги, иккинчи космик кема 2023 йилда ишга туширилиши режалаштирилган космик кема ишлаб чиқарилиши давом этаётгангини ҳақида маълум қилган эди.

"Яна учта аппарат ишлаб чиқаришга доир шартномани 2021 йилда имзолаш режалаштирилмоқда. Айни пайтда ишлаб чиқариш таннархининг техник-иқтисодий асослаш устида иш олиб борилмоқда", - деди у.

Жиҳозлар тўплами жиҳатидан "Арктика-М" "Электро-Л" туркумидаги геостационар метеорологик аппаратларга ўхшаш бўлади. Сунъий йўлдош юқори эллиптик орбитада жойлаштирилади, бу унга Россиянинг "Электро-Л" сунъий йўлдошларидан сустроқ кўринадиган Ернинг қутб минтақалари ҳолати тўғрисида метеорологик ва гидрологик маълумотларни тўплаш имконини беради.

"Арктика-М" иккита космик кемаси орбитага чиқарилгандан сўнг Гидрометеорология маркази доимий равишда атмосфера ва Ернинг қутбларидаги ҳолати тўғрисида тезкор маълумотларни узлуксиз олишга қодир бўлади.

Бу қисқа муддатли об-ҳаво прогнозларини тайёрлашда моделларнинг аниқлигини яхшилайди ва олимларга глобал иқлим ўзгариши феноменини ўрганиш учун кўп янги маълумотларни тақдим этади.

Асосий мавзулар