ТОШКЕНТ, 4 авг — Sputnik. “Мисс Озарбайжон 2019” мукофоти совриндори Семра Ҳусейнова шахсий ҳаётига боғлиқ саволларга жавоб берди. Гўзал ҳатто у билан танишишнинг осон йўлини ошкор қилиб, интернет фойдаланувчиларини ҳайратда қолдирди. Бу ҳақда Sputnik Озарбайжон хабар қилди.
Модель Instagram’да кузатувчилар саволларига жавоб берди, саволларнинг аксарияти шахсий ҳаётига тегишли. Кўплаб мухлислар у билан танишиш орзуси борлигини билдирган. Ҳусейнова бунинг учун пул билан конверт ёки олмос бериш кифоя, деб жавоб берди.
Шунингдек, у карантин туфайли тўрт ойдан бери маошсиз қолганини айтди.
Семра Ҳусейнова ўн йилдан бери модель бизнесида фаолият олиб боради, кўплаб халқаро ва маҳаллий мода лойиҳаларда иштирок этди. Шунингдек, узоқ вақт давомида хорижда ишлади. 2019 йилда у “Мисс Озарбайжон” танловида ғолибликни қўлга киритди.
