Беларусга “Спутник V” вакцинаси биринчи партияси етказиб берилди

© РФПИ и Центр имени Гамалеи / Медиабанкка ўтишПервая в мире вакцина от коронавируса
Первая в мире вакцина от коронавируса - Sputnik Ўзбекистон
Oбуна бўлиш
Россия тўғридан-тўғри инвестиция жамғармаси (РФПИ) Беларусга коронавирусга қарши “Спутник V” вакцинасининг биринчи партиясини етказиб берди.

ТОШКЕНТ, 28 сен — Sputnik. Россия тўғридан-тўғри инвестиция жамғармаси (РФПИ) Беларусга коронавирусга қарши “Спутник V”  вакцинасининг биринчи партиясини етказиб берди. Кўнгиллиларга эмлаш 1 октябрдан бошланади.

Беларусь Россияда рўйхатдан ўтганидан кейин “Спутник V”   вакцинасини клиник синовларини бошлаган биринчи мамлакат бўлди.

"1 октябр куни Беларусь Республикаси “Спутник V”   вакцинасини кўнгиллиларга эмлашни бошлайди. РФПИ 100 киши иштирокидаги ушбу клиник синовни молиялаштиради", дейилган хабарда.

Клиник синовлар Беларунинг илмий марказлари сифатида танланган 8та тиббиёт муассасаларида ўтказилади. Беларуснинг иккита клиникаси вакцинанинг биринчи партиясини қабул қилди.

“Спутник V” вакцинасининг шу каби клиник синовларини ўтказиш бошқа қатор мамлакатларда, шу жумладан Бразилия, Ҳиндистон, Саудия Арабистони, Миср ва Бирлашган Араб Амирликларида режалаштирилган.

РФПИ раҳбари Кирилл Дмитриевнинг сўзларига кўра, Россия вакцинаси асосида бўлган инсон аденовируси асосида вектор платформаси соғлиқ учун хавфсиздир, ўнлаб йиллар давомида 250 дан ортиқ клиник тадқиқотларда синовдан ўтган. Шу ўринда, Ғарб вакцина  ишлаб чиқарувчилари узоқ вақт давомида экспериментал, кам ўрганилган ва синовдан ўтказилмаган технологияларга таяниб, клиник синовларида тўсиқларга дуч келмоқда, бу эса препаратнинг фуқаролик муомаласига киритишни кечиктиради ва коронавирусга қарши курашга салбий таъсир қилади.

Россия соғлиқни сақлаш вазирлиги дунёдаги биринчи коронавирусга қарши “Спутник V” вакцинасини август ойида рўйхатга олди. У Гамалея номидаги марказ томонидан яратилган ва Россия тўғридан-тўғри инвестициялар жамғармаси билан ҳамкорликда ишлаб чиқарилмоқда.

Янгиликлар лентаси
0