Росавиация Ўзбекистонга парвозларни амалга оширишга рухсат берди

© Sputnik / Константин Михальчевский / Медиабанкка ўтишСамолёты
Самолёты - Sputnik Ўзбекистон
Oбуна бўлиш
Россия авиакомпанияларига Ўзбекистонга мунтазам парвозларни амалга оширишга рухсат берилди. Таъкидланишича, бу авиақатновлар тикланганини англатмайди.

ТОШКЕНТ, 6 окт — Sputnik. Россия авиакомпаниялари Ўзбекистонга мунтазам парвозларни амалга оширишга рухсат олди. Бу ҳақда Росавиациянинг тегишли буйруғи эълон қилинди, дея ёзади РИА Новости.

Пассажиры в международном аэропорту Шереметьево в Москве - Sputnik Ўзбекистон
Россия чегаралари яна ёпилиши мумкин - Федерация кенгаши

Рўйхатдан қатновлар ҳозирча тикланмаган мамлакатлар ҳам ўрин олган.

Маълум қилинишича, авиакомпаниялар очиқ мамлакатлар Беларусь, Буюк Британия, Миср, Қозоғистон, Қирғизистон, Мальдив ороллари, БАА, Туркия ва Танзанияга парвозлар учун рухсат олди.

Парвозга рухсат берилган ёпиқ мамлакатлар эса Арманистон, Германия, Греция, Исроил, Испания, Италия, Кипр, Хитой, Мальта, Нидерландия, Озарбайжон, Саудия Арабистони, Туркманистон, Чехия, Ўзбекистон.

Шунингдек, авиаташувчилар Австрия, Болгария, Венгрия, Испания, Франция ва Кубага чартер рейслар учун рухсат олган.

Росавиация вакилининг таъкидлашича, ушбу ҳужжат авиақатновлар тикланганини англатмайди.

“Рухсат бу авиакомпаниянинг парвозлар тикланганда фойдалана олиши мумкин бўлган ҳуқуқидир”, — деди у.

Россия март охирларида бошқа мамлакатлар билан мунтазам ва чартер авиақатновларни тўхтатганди. Кейинроқ чекловлар босқичма-босқич олина бошланди.

Янгиликлар лентаси
0