ТОШКЕНТ, 6 ноя - Sputnik. Сатирик - ёзувчи Михаил Жванецкий 86-ёшида вафот этди, деб хабар қилди Алла Пугачева ўз инстаграмида.
"Мана тугади. Сен ҳам бизни мангу тарк этдинг. Тўлдириб бўлмас йўқотиш. Сени унутиб бўлмайди дўстим. Сен доим менинг юрагимдасан", — деб ёзиб қолдирган хонанда.
Жванецкий 86 ёшда эди. Дастлаб у ёши туфайли оммавий чиқишларини тўхтатган эди. Ундан ташқари у ўзини ёмон ҳис қилаётгани ҳақида ҳам хабар қилган.
Михаи́л Миха́йлович Жване́цкий - 1934 йил 6 мартда Одессада туғилган. Рус сатирик-ёзувчиси, ўз асарлари ижрочиси, киносценарист, телебошловчи, актёр. Украина халқ артисти, (1999), Россия Федерацияси халқ артисти (2012). Россия президенти премияси лауреати(2002).
