ТОШКЕНТ, 3 дек — Sputnik. Россия пойтахти Москвада 4 декабрдан коронавирусга қарши эмланиш учун электрон ёзилиш бошланади, 5 декабрдан эса эмлаш пунктлари иш бошлайди. Бу ҳақда шаҳар мэри Сергей Собянин маълум қилди.
“... оммавий эмлашнинг улкан механизмини тиғишлаштириш мақсадида таълим, соғлиқни сақлаш ҳамда шаҳар ижтимоий хизмат ходимлари учун 2020 йил 4 декабрдан эмланиш учун электрон ёзилишни очамиз”, - дея ёзди Собянин.
Яқин ҳафта ичида вакцина партияларининг етказиб берилиши билан эмлашда иштирок этувчи кишилар гуруҳи кенгаяди.
Эслатиб ўтамиз, аввалроқ Россия президенти Владимир Путин Россияда келгуси ҳафтадан COVID-19га қарши оммавий эмлашни бошлашни топширган эди.
Россияда коронавирусга қарши иккита вакцина рўйхатга олинган. Бу Гамалея марказининг “Спутник V” ва “Вектор”марказининг “ЭпиВакКорона” вакцинаси. Яқин кунларда Чумаков номидаги Илмий марказ вакцинаси ҳам рўйхатга олиниши кутилмоқда.
