ТОШКЕНТ, 28 дек — Sputnik. Россия Мудофаа вазирлиги илк бор "Орион" учувчисиз аппаратини унга ўрнатиладиган барча қурол яроғ билан бирга расман тақдим этди. Сурат вазирлик саҳифасида эълон қилинган 2021 йил календарида чоп этилган.
"Орион" - ўрта баландликда узоқ вақт давомида учишга мўлжалланган учувчисиз аппаратлар тоифасига киради. Унинг оғирлиги 1100 килограммни, фойдали юк массаси эса - 210 кгни ташкил этади. Орион тайёр кўринишда илк бор АрМИ-2020 кўргазмасда намойиш этилган эди.
Фотосуратда аппарат чўл камуфляжида акс этган.
Учувчисиз аппарат оғирлиги 21 кг бўлган бир неча йўналтирилувчи авиабомбалар КАБ-20 ҳамда оғирлиги 7кг бўлган, спутник ва лазер ёрдамида нишонга аниқ йўналтирилиши мумкин бщлган осколкали-фугас жанговар бош қисм билан жиҳозланиши мумкин. У душманнинг енгил зирҳланган техникаси ва тирик жонига зарба беришга мўлжалланган.
Россия Мудофаа вазирлигининг 2021 йилги календарида шунингдек оғир дрон "Охотник" ҳамда 5-авлод қирувчи самолёти Су-57, "Борей" сув ости кемаси, Т-90М танки, "Армата" Пехота жанговар машинаси ва бошқа замонавий ҳарбий техника акс этган.