ТОШКЕНТ, 14 май — Sputnik. Москва шаҳридаги Хован қабристонида рўй берган оммавий муштлашувда 200 киши иштирок этган, улардан 50 нафари воқеа жойида қўлга олинди, деб хабар қилмоқда РИА Новости.
Маълумотларга кўра, икки киши воқеа жойида ҳалок бўлган.
Бундан сал олдин шанба куни Москвадаги Хован қабристонида рўй берган оммавий муштлашувда 500 киши иштирок этаётгани ҳақида маълумотлар тарқалган эди.
"Ҳозир аниқ бўлишича, ушбу ҳодисада 200га яқин киши иштирок этган, улардан 50 нафари қўлга олинди. Ўн киши жароҳатланган, шу жумладан, 2 киши ҳалок бўлган", — деб хабар қилмоқда Москва шаҳар ИИВ ҳудудий бўлинма матбуот-хизмати.
Воқеа жойида қўлланилган отишма қуроллари ашёвий далил сифатида олиб қўйилган.
"Айни вақтда можаро тўлиқбартараф этилди, ҳодиса жойига пойтахт полиция хизмати раҳбари Анатолий Якунин етиб келди. Тезкор тадбирлар ва суриштирув ишлари давом этмоқда", — деб хабар қилишди полициячилар.
ОМОН қўлга олинганларни автобусларда олиб чиқмоқда, қабристон ҳудуди қуршаб олинган.
