Жамият

Ўзбекистон аёллари ўзгармоқда

© Flickr / stefan_fotosУзбекские женщины
Узбекские женщины - Sputnik Ўзбекистон
"Айни пайтда ҳаётингиздан нечоғли қониқасиз?" деган саволга 88,1 % аёллар ўз ҳаётидан мамнун эканликларини, 76,1 %и эса ўзларини бахтли ҳисоблашини маълум қилишган

ТОШКЕНТ, 26 янв — Sputnik. "Ижтимоий фикр" жамоатчилик фикрини ўрганиш маркази томонидан "Ўзбекистон аёллари — 2017: ижтимоий мавқе ва кайфият" мавзусида ўтказилган сўров натижалари Ўзбекистон аёллари иқтисодий мустақил бўлишни хоҳлашини кўрсатди.

Иностранные рабочие - Sputnik Ўзбекистон
Жамият
Меҳнат вазирлиги 2018 йилдаги режаларини эълон қилди
Тадқиқот натижаларига кўра, сўнгги йилларда аёлларда ўзларининг ҳуқуқий ҳимояланганига ишончи ортган. Респондентларнинг 81,1 %и ҳуқуқлари бузилса давлат, ижтимоий ва фуқаролик институтларидан кўмак олиши мумкинлигини билдирган.

Сўров натижалари аёлларнинг муносиб ва замонавий таълим олишга барқарор ижобий муносабатини кўрсатган — аксарият иштирокчилар (74,3 %) фикрича, замонавий аёл учун олий маълумот муҳим аҳамиятга эга, деган фикрни билдирганлар. Шунингдек, респондентларнинг кўпи аёллар уйдан ташқарида ҳақ тўланадиган ишга эга бўлиши лозим, деб ҳисоблайди. Бу аёлга оиланинг моддий фаровонлигига ҳисса қўшиш билан бирга, иқтисодий жиҳатдан мустақил бўлиш имконини тақдим этади.

Тадқиқотлар аёлларнинг у ёки бу меҳнат фаолияти билан шуғулланишининг асосий сабабини аниқлади. Респондентларнинг 41,7 %и маълумоти ва малакасига мос касбда фаолият юритади, 30 %ни касбига хос ижодий хусусият жалб этган, улар ўзларини қизиқтирган фаолият билан машғул, ҳар ўнинчи аёл эса ишда ва оилада ўз мажбуриятини уйғунлаштириш учун эркин жадвал асосидаги иш ўринларини танлаган.

Танзила Нарбаева – заместитель премьер-министра Республики Узбекистан - Sputnik Ўзбекистон
Сиёсат
Мирзиёев Хотин-қизлар қўмитаси раиси Норбоевани қаттиқ танқид қилди

Сўровда қатнашган аёлларнинг кўпчилиги ўзини фаолият турини ўзгартиришга, янги касбни эгаллашга қодир, деб ҳисоблайди. Сўров натижалари мониторингидан аёлларнинг меҳнат муносабатлари фаоллашгани, 2015 йилда 69,5 фоиз бўлган кўрсаткич 2017 йилда 77,9 %гача ошгани маълум бўлди. Ўзига бўлган ишонч туфайли меҳнат муносабатлари фаоллашган респондентларнинг аксариятини ёшлар ташкил этади.

Ўтказилган сўров натижасида Ўзбекистон аёлларининг фаол ишбилармонлик фаолиятига жиддий қизиқиши маълум бўлди: иштирокчиларнинг 20,2 %и тадбиркор сифатида фаолият юритади, 24,2 %и эса ўз ишини бошлаш истагида. Бундан ташқари, 84,2 % респондент аёллар ижтимоий-сиёсий фаолият билан шуғулланиши кераклигини маъқуллайди.

Сўров аёлларнинг аксарияти ҳаётда муайян мақсадларга эришишга интилишини кўрсатди. Иштирокчиларнинг ҳаётдаги асосий мақсади оила қуриш, унинг фаровонлигини мустаҳкамлаш, фарзанд тарбияси, уларни мустақил ҳаётга тайёрлашдан иборатдир. Бунда аёлларнинг асосий қисми ўз мақсадига эришишига, орзу-истаклари рўёбга чиқишига қатъий ишонади.

Победители конкурса молодых предпринимателей среди девушек - Sputnik Ўзбекистон
Иқтисод
Тадбиркор қизларнинг энг яхши лойиҳалари аниқланди
"Айни пайтда ҳаётингиздан нечоғли қониқасиз?" деган саволга 88,1 % аёллар ўз ҳаётидан мамнун эканликларини, 76,1 %и эса ўзларини бахтли ҳисоблашини маълум қилишган.

Умуман, ўтказилган сўров давлат ва жамиятнинг барча соҳаларида юз бераётган ўзгаришлар, амалга оширилаётган демократик ва ижтимоий-иқтисодий ислоҳотлар билан бир қаторда Ўзбекистон аёлларининг тафаккури ва дунёқараши ҳам ўзгараётгани, ижтимоий фаоллиги ва фуқаролик онги ошаётгани, фуқаролик позицияси ва келажакка ишончи мустаҳкамланиб бораётганини кўрсатди.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала