Жамият

“Нега қиммат”: сенаторлар авиачипталар нархи юзасидан МҚКҚга сўров юборди

© Sputnik / Александр Кряжев / Фотобанкка ўтишГраждане Узбекистана в аэропорту
Граждане Узбекистана в аэропорту - Sputnik Ўзбекистон, 1920, 18.04.2021
Сенат айрим йўналишлардаги самолётлар турлари бир хил бўлса ҳам авиачипталар нархи ҳаддан зиёд қимматлигини маълум қилди.
ТОШКЕНТ, 18 апр — Sputnik. Сенаторлар авиачипталар нархининг қимматлиги юзасидан Монополияга қарши курашиш қўмитасига (МҚКҚ) сўров юборди.
Хабарда ёзилишича, айрим йўналишлар учун авиачипталар нархи ўта қиммат. Бу фуқароларнинг асосли эътирозларига сабаб бўлмоқда.
Сенат маълумотларига кўра, бугунги кунда парвоз вақти 1 соат 10 дақиқа бўлган Тошкент–Олмаота йўналиши бўйича авиачиптанинг нархи фақат бир тарафга 4,7 миллион сўмни ташкил қилмоқда. Ҳолбуки, парвоз вақти 3 соат 40 дақиқадан иборат Тошкент–Москва йўналиши бўйича авиачипта нархи 4,2 миллион сўм, Тошкент–Рига йўналиши бўйича 2,8 миллион сўм (парвоз вақти 5 соат 30 дақиқа), Тошкент–Нью-Йорк йўналиши бўйича эса 6,5 миллион сўм (парвоз вақти 12 соат) этиб белгиланган.
“Кўриниб турибдики, парвоз вақти 1 соат 10 дақиқа бўлган
Тошкент–Олмаота йўналиши бўйича авиачиптанинг нархи ундан бир неча соат кўп парвоз қилинадиган йўналишлар учун белгиланган нархлардан сезиларли даражада юқоридир. Ушбу “тушунарсиз ҳолат” фуқароларимиз учун қатор қийинчиликларни юзага келтирмоқда”, - дейилган хабарда.
Таъкидланишича, аҳоли билан жойларда ўтказилган мулоқотлар ва тегишли таҳлиллар шуни кўрсатганки, масъуллар нарх белгилашда фуқаролар тушиб қолган танловсиз, мураккаб вазиятдан инсофсизларча фойдаланмоқда.
Аэропорт - Sputnik Ўзбекистон, 1920, 10.04.2021
Жамият
Нега Россияга авиачипталарни топиб бўлмаяпти– Транспорт вазирлиги изоҳи
“Бундан ташқари, Қозоғистонга чегарадан пиёда ёки автотранспорт воситасида ўтишга Қозоғистон томонидан пандемия сабабли тақиқ қўйилган ва бизнинг масъулларимиз ана шундай шароитда фуқароларимиз мажбурлигидан ҳам қиммат нархда чипта сотиб олаверади, деган ишонч билан ўз юртдошларининг манфаатларига зид ҳаракат (ёки ҳаракатсизлик) қилмоқда”, — дейилади Сенат хабарида.
Оқибатда ишлаш ёки бошқа мақсадларда қўшни Қозоғистонга кетаётган фуқаролар яна асоссиз ва ортиқча харажат қилишга мажбур бўлмоқда.
Сенат Монополияга қарши курашиш қўмитаси раиси Шоҳрух Шораҳмедовга Тошкент–Олмаота йўналиши бўйича авиачипталар ҳаддан зиёд юқори нархда сотилаётганлигини ўрганиб чиқиш ва натижаси борасида маълумотларни тақдим этиш юзасидан сенаторлар сўровини юборган.
Пассажир держит посадочные талоны на самолет компании Air Berlin - Sputnik Ўзбекистон, 1920, 08.04.2021
Жамият
“Uzbekistan Airways” Москвага чипта нархи неча пулдан ошмаслигини маълум қилди
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала