https://sputniknews.uz/20210423/shavkat-mirziyoev-yangi-tayinlangan-elchilarning-ishonch-yorliqlarini-qabul-qildi-18470129.html

Шавкат Мирзиёев янги тайинланган элчиларнинг ишонч ёрлиқларини қабул қилди

Шавкат Мирзиёев янги тайинланган элчиларнинг ишонч ёрлиқларини қабул қилди

Sputnik Ўзбекистон

Дипломатик вакллар билан учрашувда президент Ўзбекистон хорижий мамлакатлар ва халқаро тузилмалар билан ҳамкорликни илдам ривожлантириб бораётгани қайд этилди. 23.04.2021, Sputnik Ўзбекистон

2021-04-23T17:12+0500

2021-04-23T17:12+0500

2021-04-23T17:20+0500

сиёсат

шавкат мирзиёев

элчилар

олег мальгинов

https://cdn1.img.sputniknews.uz/img/07e5/04/17/18469784_0:235:1099:853_1920x0_80_0_0_5c9d8b6be6b649327c0579bc1edc3f03.jpg

ТОШКЕНТ, 23 апр – Sputnik. Ўзбекистон президенти Шавкат Мирзиёев 23 апрель куни янги тайинланган элчиларининг ишонч ёрлиқларини қабул қилди.Маросимда Бангладеш элчиси - Муҳаммад Жаҳонгир Аълам, Чехия элчиси - Вацлав Йилек, Миср элчиси - Амира Фаҳмий, Иордания элчиси - Демия Зуҳайр Ҳаддод, Туркия элчиси - Олган Бекар, ЕИ делегацияси раҳбари - Шарлотт Адриан ва Россия элчиси - Олег Мальгиновлар ишонч ёрлиқларини топширишди.Мирзиёев янги тайинланган элчиларни дипломатик миссияси бошлангани билан табриклади ва Ўзбекистон хорижий мамлакатлар ва халқаро тузилмалар билан конструктив мулоқотни янада ривожлантириш, ўзаро манфаатли ҳамкорлик ва амалий шерикликни кенгайтиришга муҳим аҳамият қаратаётгани айтиб ўтди.Шунингдек, президент Ўзбекистон Марказий Осиё ва жаҳоннинг етакчи давлатлари билан савдо, инвестиция ва инновациялар, рақамли технологиялар ва “яшил иқтисодиёт”, транспорт, транзит ва логистика, молия, тиббиёт ва кўплаб бошқа соҳалардаги ҳамкорлик кенгайиб бораётганин таъкидлади. Ундан ташқари, Ўзбекистон БМТ, МДҲ, ШҲТ, Ислом ҳамкорлик ташкилоти, Туркий кенгаш ва бошқа нуфузли тузилмалар доирасидаги яқин мулоқотни давом эттириб, кўп томонлама алоқаларни ривожлантираётгани айтиб ўтилди. Президент таъкидлашига кўра, Ўзбекистон - Россиянинг стратегик шериклиги ва иттифоқчилиги мисли кўрилмаган юқори даражага етди. Ўзаро қўллаб-қувватлаш туфайли савдо, инвестициялар, энергетика, саноат, металлургия, қишлоқ хўжалиги, транспорт, инфратузилма, банк-молия, таълим, соғлиқни сақлаш, маданият, туризм ва кўплаб бошқа соҳаларда йирик лойиҳа ва дастурлар амалга оширилмоқда.Тошкент шаҳрида яқинда ўтказилган “Иннопром” халқаро кўргазмаси Россиядан ташқарида илк бор ташкил этилган бўлиб, кенг кўламли ҳамкорликда улкан салоҳият ва имкониятлар мавжуд эканини яна бир бор намойиш этди.Бундан ташқари, МДҲ, ШҲТ, Евроосиё иқтисодий иттифоқи ва бошқа халқаро тузилмалар доирасидаги ўзаро манфаатли мулоқот кенгайиб бормоқда.Бугунги кунда томонлар Шавкат Мирзиёев ва Владимир Путиннинг Москвадаги бўлажак саммитига жиддий тайёргарлик кўраётгани таъкидланди. Ушбу учрашув икки томонлама стратегик ва иттифоқчилик муносабатларини ривожлантиришда янги тарихий босқични бошлаб бериши кутилмоқда.Давлатимиз раҳбари сўзининг якунида дипломатик ваколатхоналар раҳбарларига уларнинг Ўзбекистон билан дўстлик ришталари ва кўп қиррали ҳамкорликни мустаҳкамлаш йўлидаги масъулиятли ва шарафли фаолиятига катта муваффақиятлар ва зафарлар тилади.

https://sputniknews.uz/20210408/innoprom-yakunlari-rossiya-va-ozbekiston-kompaniyalari-necha-pullik-shartnomalar-imzolashdi-18214299.html

2021

Янгиликлар

uz_UZ

сиёсат, шавкат мирзиёев, элчилар, олег мальгинов