Жамият

Ўзбекистон бутун Марказий Осиё билан "ҳарбий ишонч"ни ўрнатди - эксперт

© Pixabay / ArtTowerВоенный истребитель, иллюстративное фото
Военный истребитель, иллюстративное фото - Sputnik Ўзбекистон, 1920, 12.10.2021
Ўзбекистон ва Марказий Осиё давлатлари ўртасидаги ҳарбий ҳамкорлик ўзаро ишончни мустаҳкамлади.
ТОШКEНТ, 12 октябрь - Sputnik. Ўзбекистон ва Марказий Осиё давлатлари ўртасидаги ҳарбий ҳамкорлик ўзаро ишончни мустаҳкамлади ва минтақадаги зиддият даражасини пасайтирди.
Бу ҳақда Ўзбекистон Республикаси президенти ҳузуридаги Стратегик ва минтақалараро тадқиқотлар институти (СМТИ) директори ўринбосари Санжар Валиев айтди.
Флаг Пакистана - Sputnik Ўзбекистон, 1920, 12.10.2021
Афғонистонда вазият кескинлашуви
Ўзбекистон ва Покистон ШҲТ доирасида Афғонистонга ёрдам беради
"Марказий Осиёнинг қўшни давлатлари билан тўғридан-тўғри икки томонлама алоқаларни ўрнатиш Ўзбекистоннинг ҳарбий ҳамкорлигининг муҳим йўналишига айланди. Бу Ўзбекистон учун биринчи тажриба бўлди ва у дарҳол керакли бўлган натижага олиб келди - Ўзбекистон чегараларидаги зиддият даражаси пасайди ва ҳарбий соҳадаги ўзаро ишонч мустаҳкамланди", - деди мутахассис.
Мутахассис сўнгги йилларда Ўзбекистон биринчи марта Қозоғистон, Қирғизистон ва Тожикистон билан ҳарбий соҳада ҳамкорлик тўғрисида битимлар тузганини элатиб ўтди.
Унинг сўзларига кўра, бу ҳужжатлар доирасида тажриба алмашиш, кадрлар тайёрлаш, қўмондон-штаб ва тактик машғулотларни ўтказиш бўйича ҳамкорлик ташкил этилди.
"Ҳозирги кунда республика ҳукумати "қўшни давлатларнинг ҳарбий хизматчиларини Ўзбекистон ҳарбий олий ўқув юртларида ўқитишни ташкиллаштириш" устида иш олиб бормоқда" – дея таъкидлади Валиев.
СМТИ директори ўринбосарининг фикрича, Ўзбекистоннинг қўшни давлатлар билан ҳарбий ҳамкорлиги минтақадаги ҳар қандай вазиятни мувофиқлаштириш ва биргаликда ҳаракат қилишнинг самарали механизмларини яратишга имкон берди.
"Қолаверса, бизда Марказий Осиёда МДҲ ва ШҲТ каби ташкилотлар кўринишидаги самарали воситалар мавжуд, улар доирасида мудофаа вазирлари учрашувлари ҳомийлигида ҳамкорлик йўлга қўйилган", - деди эксперт.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала