Термиздаги музокаралар: Ўзбекистон ва Афғонистон нималарга келишиб олди

© Пресс-служба МИВТ РУзВ Термезе состоялась встреча делегаций Узбекистана и Афганистана.
В Термезе состоялась встреча делегаций Узбекистана и Афганистана. - Sputnik Ўзбекистон, 1920, 17.10.2021
Oбуна бўлиш
Томонлар таълим ва гуманитар соҳалардаги алоқаларни ривожлантириш борасида ҳам фикр алмашишди.
ТОШКЕНТ, 17 окт — Sputnik. 16 октябрь куни Термиз шаҳрида Ўзбекистон ва Афғонистон делегацияларининг учрашуви бўлиб ўтди.
Ўзбекистон делегациясига бош вазир ўринбосари – инвестициялар ва ташқи савдо вазири Сардор Умурзаков, Афғонистон томонига эса Муваққат ҳукумат раҳбарининг ўринбосари вазифасини бажарувчи Абдул Салом Ҳанафий бошчилик қилди.
Инвестициялар ва ташқи савдо вазирлиги хабарига кўра, музокаралар чоғида турли вазирлик ва идоралар вакиллари чегара хавфсизлиги, инвестициялар, ўзаро савдо, энергетика, халқаро юк ташиш ҳамда транзит соҳаларидаги ҳамкорлик масалаларини муҳокама қилдилар. Шунингдек, таълим ва гуманитар соҳалардаги алоқаларни ривожлантириш борасида ҳам фикр алмашилди.
“Инфратузилмавий лойиҳаларини амалга ошириш, хусусан, Сурхон – Пули-Хумри электр узатиш линиясини ўтказиш ҳамда Термиз – Мозори Шариф – Кобул – Пешовар темир йўлини қуришга алоҳида эътибор қаратилди”, - дейилган хабарда.
Томонлар муносабатларнинг кўриб чиқилган ҳар бир йўналишида ўзаро ҳамкорлик қилиш йўлларини муҳокама қилдилар ҳамда устувор соҳаларда мавжуд масалаларни ҳал этиш бўйича биринчи даражали вазифаларни белгилаб олдилар.
Учрашув якунида муҳокама этилган масалалар юзасидан бир қатор икки томонлама келишувларга эришилди.
Ситуация в городке Хайратан - Sputnik Ўзбекистон, 1920, 16.10.2021
Термизда ўзбек-афғон музокаралари бошланди
Янгиликлар лентаси
0