Иқтисод

Қашқадарёда йирик қувватли илк цемент заводи ишга туширилди

© Фото: Қашқадарё вилояти ҳокимлиги“Қарши конч цемент” заводи
“Қарши конч цемент” заводи  - Sputnik Ўзбекистон, 1920, 18.05.2022
Обуна бўлиш
Yandex newsTelegram
Янги заводда йилига 1,2 миллион тонна М-400, М-500 ва М-600 маркали цемент ишлаб чиқарилади. Маҳсулотларнинг 30 фоизи Қозоғистон, Қирғизистон, Афғонистон ва Хитой каби давлатларга экспорт қилинади.
ТОШКЕНТ, 18 май — Sputnik. Қашқадарё вилоятида йирик қувватга эга “Қарши конч цемент” цемент заводи ишга туширилди.
Янги корхона Китоб туманидаги 62 гектар ер майдонда жойлашган. Вилоят ҳокимлиги ахборот хизматининг Sputnik мухбирига маълум қилишича, корхона ишга тушиши натижасида 400 та янги иш ўрни яратилди.
У ерда йилига 1,2 миллион тонна М-400, М-500 ва М-600 маркали цемент ишлаб чиқариш режалаштирилган. Маҳсулотларнинг 30 фоизи Қозоғистон, Қирғизистон, Афғонистон ва Хитой каби давлатларга экспорт қилинади.
“Заводни ишга туширишдан асосий мақсад қурилиш материаллари саноатини ривожлантириш ва аҳолини сифатли қурилиш молларига бўлган эҳтиёжини қондиришдан иборат”, - дейилади хабарда.
Янги завод Хитойнинг “Анхуй конч цемент” компанияси томонидан 150 млн долларлик тўғридан-тўғри хорижий инвестиция маблағлари ҳисобига фойдаланишга топширилган.
Ўзбекистон цементни қайси мамлакатлардан импорт қилмоқда
Янгиликлар лентаси
0