04:56 05 Июн 2020
Эфир
  • RUB121.10
  • EUR10637.67
  • USD9554.22
Янгиликлар
Ҳавола олиш
Гулнора Каримова иши (21)
79820

Мазкур маблағлар Ўзбекистон Республикаси давлат бюджетига ўтказиб берилган ва умумий тартибда ишлатилиши айтилмоқда.

ТОШКЕНТ, 14 май - Sputnik. Гулнора Каримовага тегишли 10 миллион АҚШ доллари миқдоридаги активлар Франциядан Ўзбекистонга қайтарилди, деб хабар бермоқда Адлия вазирлиги жамоатчилик билан алоқалар бўлими.

"Ўзбекистон Республикаси Адлия вазирлиги ва Бош прокуратураси томонидан Ўзбекистоннинг ваколатли идоралари иштирокида Г.Каримова томонидан жиноий йўл билан орттирилган мулкларни Ўзбекистонга қайтариш бўйича олиб борилган саъй-ҳаракатлар натижасида жорий йилнинг 14 май куни Франциядан 10 миллион АҚШ доллари миқдоридаги активлар Ўзбекистонга қайтарилди", - дейилади хабарда.

Мазкур маблағлар Ўзбекистон Республикаси давлат бюджетига ўтказиб берилди ва умумий тартибда ишлатилади.

Қайд этиш жоизки, мулкларни қайтариш бўйича барча музокаралар ва тадбирлар расмий даражада Ўзбекистон қонунчилиги ва халқаро ҳуқуқ нормаларига мувофиқ олиб борилмоқда.

Хусусан, Адлия вазирлиги ва Бош прокуратура томонидан Ўзбекистоннинг ваколатли идоралари иштирокида Г.Каримова томонидан жиноий йўл билан орттирилган 1,3 млрд. АҚШ долларидан ортиқ миқдордаги мулкларни қайтариш бўйича Швейцария, АҚШ, Франция, Россия Федерацияси ва бошқа давлатларнинг ваколатли органлари билан ҳамкорликда иш олиб борилмоқда.

Мазкур мулклар хорижий давлатларнинг ваколатли органлари томонидан ҳибсга олинганлиги муносабати билан, улар Г.Каримова (унинг оила аъзолари)нинг тасарруфида эмас.

"Шу боис, муқаддам айрим ОАВларда хабар берилганидек, Ўзбекистонга мулклар ва маблағлар бевосита Г.Каримова ёхуд бошқа алоҳида шахслар томонидан қайтарилиши мумкинлиги ҳақидаги мулоҳазалар ҳақиқатга тўғри келмайди", - дея таъкидланади хабарда.

Гулнора Каримова 2015 йилнинг августида товламачилик ва солиқларни тўлашдан бўйин товлагани учун судга тортилган эди, 2017 йилнинг 18 декабрида яна бир жиноий иш доирасида Г.Каримовага ўн йиллик қамоқ жазоси тайинланди.

Жорий йил 18 март куни суд ҳукми билан Г. Каримовага 13 йил 4 ой муддатга озодликдан маҳрум қилиш жазоси тайинланди.

Мавзу:
Гулнора Каримова иши (21)

Асосий мавзулар