03:46 21 Январ 2021
Эфир
  • RUB142.66
  • EUR12682.88
  • USD10500.81
Дунёда
Ҳавола олиш
Қирғизистон собиқ президенти Алмазбек Атамбаев қўлга олиниши (50)
82320

Мамлакат Олий суди жиноий авторитет Азиз Батукаевнинг ноқонуний озод этилиши иши бўйича собиқ президент Алмазбек Атамбаевга нисбатан чиқарилган ҳукмни бекор қилди.

ТОШКЕНТ, 30 ноя — Sputnik. Қирғизистон Олий суди жиноий авторитет Азиз Батукаевнинг ноқонуний озод этилиши иши бўйича собиқ президент Алмазбек Атамбаевга нисбатан чиқарилган ҳукмни бекор қилди.

Жорий йил июнь ойида Бишкек Биринчи май туман суди Атамбаевни мазкур иш юзасидан 11 йилу 2 ойга озодликдан маҳрум этган эди.

Sputnik Қирғизистон агентлиги хабарига кўра, жиноий иш Биринчи май туман судида бошқа таркибда янгидан кўриб чиқилиши юборилган.

Батукаев иши

Азиз Батукаев 2006 йилнинг август ойида Аламудин туман суди ҳукми билан 16 йилу 8 ойга озодликдан маҳрум қилинган. Шунингдек, унинг молу мулки мусодара қилинган. Батукаев 2006 йилда Бишкек шаҳри яқинида колонияда оммавий тартибсизлик уюштирганликда ва ҳужум пайтида Қирғизистон парламенти депутати Тиничбек Акматбаев, жазони ижро этиш бошқармаси раҳбари Икматулла Полотов ва парламентнинг икки нафар ходимини ўлдиришда айбланган. Азиз Батукаев 2013 йил 9 апрелда “оғир касаллик” туфайли шартли равишда озод қилинган. У бундан фойдаланиб, Қирғизистон ҳудудини тарк этган.

Қирғизистон ИИВ маълумотига кўра, Батукаев ҳозирда Чеченистонда ноқонуний қурол сақлагани учун жазо муддатини ўтамоқда.

Мавзу:
Қирғизистон собиқ президенти Алмазбек Атамбаев қўлга олиниши (50)
Теглар:
суд, ҳукм, Алмазбек Атамбаев, Қирғизистон

Асосий мавзулар