Пиёда энг кўп юрганларга пул тўлаш тўхтатилди - сабаб

© Sputnik / Дильшода Рахматова"Я влюбилась в этот марафон как раз за то, что ты реально увидишь весь Ташкент, увидишь всю красоту, и это очень здорово", — говорит участница марафона.
Я влюбилась в этот марафон как раз за то, что ты реально увидишь весь Ташкент, увидишь всю красоту, и это очень здорово, — говорит участница марафона. - Sputnik Ўзбекистон, 1920, 18.09.2021
Oбуна бўлиш
1hls.uz мобил иловаси пўл тўлаш вақтинча тўхтатилди.
ТОШКЕНТ, 18 сен — Sputnik. Туризм ва спорт вазирлиги 14 сентябрдан бошлаб 1hls.uz мобил илова бўйича фойдаланувчиларга тўловлар вақтинча тўхтатилганлигини маълум қилди.
Ўзбекистон Вазирлар Маҳкамасининг 2021 йил 28 апрелдаги “Соғлом турмуш тарзи” платформаси фаолиятини ташкил этиш чора-тадбирлари тўғрисида”ги қарорига мувофиқ, аҳолини кунлик юриш ва югуришга тарғиб қилиш бўйича “Соғлом турмуш тарзи” платформаси, яъни www.1hls.uz veb-саҳифаси ҳамда мобил иловаси ишга туширилганди.
Участница марафона - Sputnik Ўзбекистон, 1920, 14.07.2021
Июнь ойида энг кўп юрганларга қарийб 69 млн сўм тўлаб берилди
10 июндан 13 сентябрга қадар бир сутка давомида ўн минг ва ундан ортиқ қадам юрган 18 ёш ва ундан юқори ёшдаги Ўзбекистон фуқароларининг платформадаги электрон ҳамёнига жами 9,4 млрд. сўм маблағлар тўлаб берилди.
Шунингдек, ҳар ойда ҳар бир туман (шаҳар) бўйича энг кўп юрган шахсга 300 минг сўмдан, ҳар бир ҳудуд бўйича энг кўп юрган шахсга 500 минг сўм, республика бўйича энг кўп юрган шахсга қўшимча равишда 1 млн. сўм тўланиб, жорий йил июн-август ойлари давомида жами 206,7 млн. сўм маблағ фойдаланувчилар электрон ҳамёнига ўтказиб берилди.
Бег, иллюстративное фото - Sputnik Ўзбекистон, 1920, 03.05.2021
Ўзбекистонда 10 минг қадам юрган фуқароларга пул тўлаш бошланади
Туризм ва спорт вазирлигининг Молия вазирлиги Ғазначилигида очилган шахсий ғазна ҳисобварағига тушадиган тегишли даромадлар манбаларининг бир меъёрда доимий тушиш имконияти чекланганлигини инобатга олиб, мазкур шахсий ғазна ҳисобварағида 500,0 млн. сўмдан кам маблағ қолса, мобил илова бўйича фойдаланувчиларга тўловлар, ушбу шахсий ғазна ҳисобварағида 5,0 млрд. сўмгача маблағ йиғилгунга қадар автоматик тарзда тўхтатилиши белгилаб қўйилган.
Бунда, шахсий ғазна ҳисобварағидаги маблағлар 5,0 млрд. сўмга етгунга қадар мобил иловада ўн минг ва ундан ортиқ қадам юрган фуқароларга тўланадиган тўловлар тўланмаслиги кўрсатиб ўтилган.
Вазирлик 14 сентябрдан бошлаб мобил илова бўйича фойдаланувчиларга тўловлар вақтинча тўхтатилганлигини маълум қилди.
Янгиликлар лентаси
0